أحدٌ أحدٌ

عندك مشكلة ؟ ومش عارف تحلها ولا حد عارف يحلهالك ولا أصلا إنت عارف تتحل إزاي ولا منين .. طيب في الحالة دي بتلجأ لمين .. هو واحد مفيش غيره هو اللي يقدر يساعدك في الموضوع ده .. لأ لأ مش الدجال اللي في آخر الشارع ولا الست أم هايدي اللي بتعمل أعمال .. لا سحر ولا شعوذة .. هو مفيش غيره - الله- ربنا هو الوحيد الأوحد اللي يقدر يساعدك تتخطى أي حاجة لو دعيته من قلبك وأنت موقن ومتأكد إنه أكيد هيساعدك ..

مهم جدا إنه يكون لك رب تلجأله .. للاسف احنا بنكتشف الموضوع ده أكتر في الأزمات .. للاسف احنا مش مدركين انه لازم نلجأله في كل حاجة بنعملها .. في كل خطوة بناخدها .. يكون معانا في كل وقت

أصل تخيلوا لو احنا مخلوقين شيطاني كده ملناش كبير .. ملناش سند نلجأله لما الدنيا تقفل في وشنا  .. ملناش حاجة خالص !!..طب إزاي .. الفكرة نفسها مش منطقية ومتعبة جدا .. ربنا هو الوحيد اللي في ايده سعادتك وفي ايده شقاك وما ابتلاك ليعذبك بل ليقربك منه..

من الاخر كده اللي مالوش رب .. مالوش سند !!!!!